ᱵᱨᱮᱰ ᱯᱤᱴ
| ᱵᱨᱮᱰ ᱯᱤᱴ | |
|---|---|
 Pitt at the 2019 premiere of Once Upon a Time in Hollywood | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱣᱤᱞᱤᱭᱟᱢ ᱵᱨᱮᱰᱞᱤ ᱯᱤᱴ ᱰᱤᱥᱮᱢᱵᱚᱨ ᱑᱘, ᱑᱙᱖᱓ ᱥᱳᱱᱤ, ᱳᱠᱞᱟᱦᱚᱢᱟ, ᱡᱩᱢᱤᱫᱽ ᱯᱚᱱᱚᱛ |
| ᱥᱮᱪᱮᱫ ᱟᱠᱷᱲᱟ | ᱢᱤᱥᱳᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱠᱷᱮᱞᱚᱰᱤᱭᱟᱹ, ᱥᱤᱱᱮᱢᱟ ᱵᱮᱱᱟᱣᱤᱡ |
| ᱠᱟᱹᱢᱤ ᱚᱠᱛᱚ | ᱑᱙᱘᱗–ᱱᱤᱛ ᱫᱷᱟᱹᱵᱤᱡ |
| Works | Filmography |
| ᱟᱯᱟᱛ ᱛᱟᱦᱮᱸᱴᱷᱟᱶ | Springfield, Missouri, U.S. |
| ᱡᱤᱭᱚᱱ ᱥᱚᱦᱮᱫ | Jennifer Aniston (m. 2000; div. 2005) Angelina Jolie (m. 2014; div. 2019) |
| ᱦᱚᱯᱚᱱ | ᱖ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | Douglas Pitt (brother) |
| ᱥᱤᱨᱯᱷᱟᱹ | Full list |
ᱣᱤᱞᱤᱭᱟᱢ ᱵᱨᱮᱰᱞᱤ "ᱵᱨᱮᱰ" ᱯᱤᱴ (ᱡᱟᱱᱟᱢ: ᱑᱘ ᱰᱤᱥᱮᱢᱵᱚᱨ ᱑᱙᱖᱓) ᱫᱚ ᱢᱤᱫᱴᱟᱹᱝ ᱢᱟᱨᱠᱤᱱ ᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹ ᱟᱨ ᱥᱤᱱᱮᱢᱟ ᱯᱨᱳᱡᱳᱡᱳᱠ ᱠᱟᱱᱟᱭ ᱾ ᱫᱷᱟᱹᱨᱛᱤ ᱨᱮᱱ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱟᱠᱚᱨᱥᱚᱱᱤᱭᱳ ᱢᱟᱹᱱᱢᱤ ᱦᱤᱥᱟᱹᱵᱽ ᱛᱮ ᱩᱱᱤ ᱠᱚ ᱫᱷᱚᱨᱟᱣᱭᱟ ᱾ ᱟᱨ ᱱᱤᱭᱟᱹ ᱛᱟᱭᱚᱢ ᱥᱤᱱᱮᱢᱟ ᱨᱮᱱᱟᱜ ᱯᱚᱨᱫᱟ ᱛᱟᱭᱚᱢ ᱨᱮ ᱠᱷᱚᱵᱚᱨ ᱠᱟᱜᱚᱡᱽ ᱨᱮ ᱯᱟᱨᱥᱟᱞᱚᱜ ᱠᱷᱚᱵᱚᱨ ᱠᱚ ᱾ ᱯᱤᱴ ᱫᱚ ᱵᱟᱨ ᱫᱷᱟᱣ ᱮᱠᱟᱰᱮᱢᱤ ᱥᱤᱨᱯᱟᱹ ᱞᱟᱹᱜᱤᱛ ᱠᱚ ᱢᱳᱱᱳᱱᱤᱛᱳ ᱞᱤᱫᱤᱭᱟ ᱟᱨ ᱯᱩᱱ ᱫᱷᱟᱣ ᱜᱳᱞᱰᱮᱱ ᱜᱞᱳᱵᱽ ᱥᱤᱨᱯᱟᱹ ᱨᱮ ᱢᱳᱱᱳᱱᱚᱭᱚᱱ ᱧᱟᱢ ᱠᱟᱛᱮ ᱢᱤᱫ ᱫᱷᱟᱣ ᱥᱤᱨᱯᱟᱭ ᱡᱤᱛᱟᱹᱣᱞᱮᱱᱟ ᱾
ᱮᱛᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱨᱮᱰ ᱯᱤᱴ ᱫᱚ ᱳᱠᱞᱟᱦᱳᱢᱟ ᱨᱮᱱᱟᱜ ᱥᱟᱣᱱᱤ ᱨᱮ ᱢᱤᱫᱴᱮᱱ ᱴᱨᱟᱠᱤᱝ ᱥᱚᱝᱜᱚᱴᱷᱚᱱ ᱨᱮᱱ ᱢᱩᱬᱩᱛ ᱣᱤᱞᱤᱭᱟᱢ ᱟᱞᱵᱷᱤᱱ ᱯᱤᱴ ᱟᱨ ᱢᱤᱫ ᱤᱥᱠᱩᱞ ᱯᱚᱨᱟᱢᱚᱨᱥᱚᱫᱟᱛᱟ ᱡᱮᱱ ᱮᱴᱴᱟ ᱛᱟᱹᱠᱤᱱᱟᱜ ᱚᱲᱟᱜ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱱᱩᱠᱩ ᱫᱚ ᱟᱹᱰᱤ ᱩᱥᱟᱹᱨᱟ ᱢᱤᱥᱳᱨᱤ ᱨᱮᱱᱟᱜ ᱤᱥᱯᱨᱤᱝᱯᱷᱤᱞᱰ ᱠᱩ ᱩᱪᱟᱹᱲ ᱞᱮᱱᱟ ᱟᱨ ᱚᱸᱰᱮ ᱜᱮ ᱯᱤᱴ ᱫᱚ ᱟᱡ ᱠᱟᱹᱴᱤᱡ ᱵᱚᱭᱦᱟ ᱰᱚᱜᱽᱞᱟᱥ ᱢᱤᱪᱮᱞ ᱟᱨ ᱡᱩᱞᱤ ᱱᱤᱞ ᱛᱟᱹᱠᱩ ᱥᱟᱶᱛᱮ ᱭ ᱛᱟᱸᱦᱮᱸᱱᱠᱟᱱ ᱛᱟᱦᱮᱸᱱᱟ ᱾ ᱯᱤᱴ ᱫᱚ ᱢᱤᱫ conservative ᱤᱥᱟᱹᱭ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱟᱠᱟᱱᱟ ᱡᱟᱸᱦᱚᱸᱭ ᱫᱚ ᱠᱚᱧᱮ ᱵᱮᱯᱴᱤᱥᱴ ᱠᱟᱱᱟ ᱠᱚ ᱾
ᱯᱤᱴ ᱫᱚ ᱠᱤᱠᱟᱯᱩ ᱦᱟᱭ ᱤᱥᱠᱩᱞ ᱨᱮᱭ ᱯᱟᱲᱦᱟᱣ ᱟᱠᱟᱱᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱟᱨᱦᱚᱸ ᱜᱚᱞᱯᱷ, ᱯᱟᱭᱨᱟ ᱟᱨ ᱴᱮᱱᱤᱥ ᱠᱞᱟᱵᱽ ᱨᱮᱱ ᱦᱚᱸ ᱥᱚᱦᱮᱫᱮ ᱛᱟᱦᱮᱸ ᱠᱟᱱᱟ ᱾ ᱦᱟᱭ ᱤᱥᱠᱩᱞ ᱯᱟᱲᱦᱟᱣ ᱢᱩᱪᱟᱹᱫ ᱠᱟᱛᱮ ᱯᱤᱴ ᱫᱚ ᱢᱤᱥᱳᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭ ᱵᱷᱳᱨᱛᱤ ᱞᱮᱱᱟ ᱾ ᱚᱸᱰᱮ ᱩᱱᱤ ᱫᱚ ᱥᱟᱝᱵᱟᱫᱤᱠᱚᱛᱚ ᱢᱩᱬᱩᱛ ᱥᱟᱛᱟᱢ ᱫᱚᱦᱚ ᱠᱟᱛᱮ ᱥᱟᱶᱛᱮ ᱵᱤᱜᱽᱜᱟᱯᱚᱱ ᱥᱟᱛᱟᱢ ᱪᱮᱛᱟᱱᱮ ᱯᱟᱲᱦᱟᱣ ᱟᱠᱟᱱᱟ ᱾ ᱯᱟᱲᱦᱟᱣ ᱢᱩᱪᱟᱹᱫ ᱥᱮᱡ ᱯᱤᱴ ᱮ ᱟᱹᱭᱠᱟᱹᱣ ᱠᱮᱫᱟ ᱡᱮ ᱟᱭᱟᱜ ᱫᱚ ᱚᱵᱷᱤᱱᱚᱭ ᱥᱮᱡ ᱡᱷᱩᱠ ᱢᱮᱱᱟᱜ ᱛᱟᱭᱟ ᱾ ᱚᱱᱟᱛᱮᱜᱮ ᱩᱱᱤ ᱢᱤᱥᱳᱨᱤ ᱠᱷᱚᱱ ᱞᱚᱥ ᱮᱱᱡᱮᱞᱮᱥ ᱨᱮᱭ ᱩᱪᱟᱹᱲ ᱮᱱᱟ ᱟᱨ ᱚᱸᱰᱮ ᱚᱵᱷᱤᱱᱚᱭ ᱪᱮᱛᱟᱱ ᱢᱤᱫᱴᱮᱱ ᱦᱩᱰᱤᱧ ᱠᱳᱨᱥ ᱮ ᱠᱚᱨᱟᱣ ᱠᱮᱫᱟ ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱮᱞᱤᱵᱷᱤᱥᱚᱱ ᱨᱮ ᱯᱮᱲᱟ ᱥᱤᱞᱯᱤ ᱦᱤᱥᱟᱹᱵᱛᱮ ᱵᱨᱮᱰ ᱟᱭᱟᱜ ᱚᱵᱷᱤᱱᱚᱭ ᱡᱤᱭᱚᱱᱮ ᱮᱛᱦᱚᱵ ᱟᱠᱟᱫᱟ᱾ ᱱᱚᱝᱠᱟᱱ ᱢᱤᱫᱴᱮᱱ ᱴᱮᱞᱤᱵᱷᱤᱥᱚᱱ ᱫᱷᱟᱨᱟᱵᱟᱦᱤᱠ ᱫᱚ ᱑᱙᱘᱗ ᱥᱮᱨᱢᱟ ᱨᱮ ᱥᱤ ᱵᱤ ᱮᱥ ᱪᱮᱱᱮᱞ ᱠᱷᱚᱱ ᱠᱚ ᱩᱫᱩᱜᱮᱛ ᱛᱟᱦᱮᱸᱱᱟ ᱾ ᱚᱱᱟ ᱫᱷᱟᱨᱟᱵᱟᱦᱤᱠ ᱨᱮᱱᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱰᱟᱞᱟᱥ ᱾ ᱤᱱᱟᱹ ᱛᱟᱭᱚᱢ ᱑᱙᱙᱑ ᱥᱮᱨᱢᱟ ᱨᱮ ᱰᱟᱦᱟᱨ ᱥᱤᱱᱮᱢᱟ ᱛᱷᱮᱞᱢᱟ ᱮᱱᱰ ᱞᱩᱭᱤᱥ ᱨᱮ ᱡᱤᱱᱟ ᱰᱮᱵᱷᱤᱥ ᱵᱤᱯᱳᱨᱤᱛ ᱚᱵᱷᱤᱱᱚᱭ ᱠᱟᱛᱮ ᱟᱹᱰᱤ ᱧᱩᱛᱩᱢᱮ ᱦᱟᱢᱮᱴ ᱞᱮᱫᱟ ᱟᱨ ᱩᱱ ᱨᱮᱜᱮ ᱟᱭᱟᱜ ᱧᱩᱛᱩᱢ ᱦᱚᱸ ᱯᱟᱥᱱᱟᱣ ᱮᱱ ᱛᱟᱭᱟ ᱾ ᱟ ᱨᱤᱵᱷᱟᱨ ᱨᱟᱱᱥ ᱛᱷᱨᱩ ᱤᱴ (᱑᱙᱙᱒) ᱟᱨ ᱤᱱᱴᱟᱨᱵᱷᱤᱣ ᱩᱭᱤᱛᱷ ᱫᱟ ᱵᱷᱮᱢᱯᱟᱭᱟᱨ (᱑᱙᱙᱔) ᱥᱤᱱᱮᱢᱟ ᱨᱮ ᱢᱩᱬᱩᱛ ᱵᱷᱩᱢᱤᱠᱟ ᱨᱮ ᱚᱵᱷᱤᱱᱚᱭ ᱫᱟᱨᱟᱭ ᱛᱮᱜᱮ ᱞᱟᱹᱴᱩ ᱵᱟᱡᱮᱴ ᱨᱮᱱᱟᱜ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭᱮ ᱮᱴᱦᱚᱵ ᱟᱠᱟᱫᱟ ᱾
ᱜᱷᱟᱨᱚᱸᱡᱽ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱨᱮᱰ ᱯᱤᱴ ᱫᱚ ᱯᱟᱹᱦᱤᱞ ᱫᱷᱟᱣ ᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹᱱᱤ ᱜᱤᱱᱮᱛᱷ ᱯᱮᱞᱴᱨᱳ ᱥᱟᱶᱛᱮ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱛᱚᱵᱮ ᱛᱟᱭᱚᱢ ᱫᱟᱨᱟᱢᱛᱮ ᱩᱱᱤ ᱫᱚ ᱠᱷᱮᱞᱚᱰᱟᱹᱱᱤ ᱡᱮᱱᱤᱯᱷᱟᱨ ᱮᱱᱤᱥᱴᱚᱱ ᱮ ᱵᱟᱯᱞᱟ ᱞᱤᱫᱤᱭᱟ ᱾ ᱢᱚᱬᱮ ᱥᱮᱨᱢᱟ ᱢᱤᱫ ᱥᱟᱶᱛᱮ ᱛᱟᱦᱮᱸᱱ ᱯᱚᱨ ᱩᱱᱠᱤᱱ ᱦᱚᱸ ᱠᱤᱱ ᱵᱟᱯᱟᱠ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱒᱐᱐᱙ ᱥᱮᱨᱢᱟ ᱫᱷᱟᱹᱵᱤᱡ ᱧᱩᱛᱩᱢᱟᱱ ᱠᱷᱮᱞᱚᱰᱟᱹᱱᱤ ᱮᱱᱡᱮᱞᱤᱱᱟ ᱡᱳᱞᱤ ᱥᱟᱶᱛᱮᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱡᱮᱜᱮᱛ ᱡᱟᱠᱟᱛ ᱢᱤᱰᱤᱭᱟ ᱨᱮ ᱟᱹᱰᱤᱜᱮ ᱜᱟᱞᱢᱟᱨᱟᱣ ᱨᱮᱱᱟᱜ ᱢᱤᱫ ᱥᱟᱛᱚᱢ ᱦᱩᱭᱞᱮᱱᱟ᱾ ᱵᱨᱮᱰ ᱟᱨ ᱡᱳᱞᱤ ᱨᱮᱱ ᱢᱮᱰᱚᱠᱥ, ᱡᱟᱦᱟᱨᱟ ᱟᱨ ᱯᱮᱠᱥ ᱧᱩᱛᱩᱢᱟᱱ ᱯᱮᱭᱟ ᱫᱚᱛᱛᱚᱠ ᱜᱤᱫᱽᱨᱟᱹ ᱟᱨ ᱟᱹᱠᱤᱱ ᱨᱮᱱ ᱯᱮᱭᱟ ᱜᱤᱫᱽᱨᱟᱹ ᱥᱤᱞᱳᱦ, ᱱᱚᱠᱥ ᱟᱨ ᱵᱷᱤᱵᱷᱤᱭᱟᱱ ᱢᱮᱱᱟᱜ ᱠᱳᱣᱟ᱾ ᱯᱞᱟᱱ ᱵᱤ ᱧᱩᱛᱩᱢ ᱛᱮ ᱵᱽᱨᱮᱰ ᱯᱤᱴ ᱟᱜ ᱢᱤᱫᱴᱮᱱ ᱯᱨᱳᱡᱳᱡᱳᱱᱟ ᱥᱚᱝᱜᱚᱴᱷᱚᱱ ᱢᱮᱱᱟᱜ ᱛᱟᱭᱟ, ᱡᱟᱦᱟᱸ ᱫᱚ ᱒᱐᱐᱗ ᱥᱮᱨᱢᱟ ᱨᱮ ᱫᱟ ᱰᱤᱯᱟᱨᱴᱮᱰ ᱥᱤᱱᱮᱢᱟᱭ ᱯᱨᱳᱡᱳᱡᱳᱱᱟ ᱞᱮᱫᱟ ᱡᱟᱦᱟᱸ ᱫᱚ ᱥᱮᱨᱟ ᱥᱤᱱᱮᱢᱟ ᱵᱤᱵᱷᱟᱜᱽ ᱨᱮ ᱮᱠᱟᱰᱮᱢᱤ ᱥᱤᱨᱯᱟᱭ ᱧᱟᱢ ᱞᱮᱫᱟ ᱾ ᱡᱳᱞᱤ ᱥᱟᱶᱛᱮ ᱥᱟᱹᱜᱟᱹᱭ ᱡᱚᱲᱟᱣ ᱛᱟᱭᱚᱢ ᱵᱨᱮᱰ ᱯᱤᱴ ᱡᱮᱜᱮᱛ ᱡᱟᱠᱟᱛ ᱨᱮ ᱟᱭᱢᱟ ᱥᱩᱥᱟᱹᱨᱤᱭᱟᱹ ᱠᱟᱹᱢᱤ ᱥᱟᱶᱛᱮᱭ ᱡᱚᱲᱟᱣ ᱟᱠᱟᱱᱟ ᱥᱮ ᱱᱤᱛ ᱦᱚᱸ ᱢᱮᱱᱟᱭᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱵᱨᱮᱰ ᱯᱤᱴ at Curlie
- ᱵᱨᱮᱰ ᱯᱤᱴ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Brad Pitt at Biography
- ᱵᱨᱮᱰ ᱯᱤᱴ at Rotten Tomatoes
- ᱵᱨᱮᱰ ᱯᱤᱴ on Charlie Rose
- Brad Pitt at Huffington Post
- Works by or about ᱵᱨᱮᱰ ᱯᱤᱴ in libraries (WorldCat catalog)
- "ᱵᱨᱮᱰ ᱯᱤᱴ collected news and commentary". The New York Times.
- ᱵᱨᱮᱰ ᱯᱤᱴ collected news and commentary at The Guardian
